ویمن ایشیا کپ : ہارنے کا افسوس ہے کپتان ندا ڈار

لاہور ( پی سی بی ) پاکستان ویمن کرکٹ ٹیم کی کپتان ندا ڈار کا کہنا ہے کہ افسوس تو ظاہر ہے کہ ہم میچ کو آخری گیند تک لے کر گئے لیکن جیت نہ سکے ۔ نتیجے سے قطع نظر دیکھیں تو ہم نے اچھی کرکٹ کھیلی، نوجوان کھلاڑیوں نے ذمہ داری کا ثبوت دیا۔ گل فیروزہ اور منیبہ علی کی اننگز قابل ذکر رہی ہیں ۔ ندا ڈارنے کہا کہ بولنگ میں نوجوان بولرز عروب اور طوبیٰ بہت اچھی بولنگ کرتی آئی ہیں ۔ٹاپ کلاس بولرز میں سعدیہ ۔ نشرہ موجود تھیں ہم نے اپنی بھرپور صلاحیت دکھائی۔ انہوں نے کہا کہ مجموعی طور پر ہم نے اچھی کرکٹ کھیلی ہے۔ ہمیں اپنی فٹنس بیٹنگ اور فیلڈنگ میں بہتری لانے کی ضرورت ہے۔ہمیں جو پلان دیے گئے ہم نے ان پر عمل کرنے کی کوشش کی۔کھلاڑیوں نے سیمی فائنل میں فائٹنگ اسپرٹ دکھائی ہے۔اس ٹورنامنٹ سے ہمیں ورلڈ کپ کی اچھی تیاری ملی ہے۔