پاکستان کرکٹ ٹیم کی مینجمنٹ نے پیرس اولمپکس میں پاکستان کے لیے سونے کا تمغہ جیتنے والے ارشد ندیم کو مدعو کرنے کا فیصلہ کیا ہے۔
مینجمنٹ نے یہ فیصلہ کیا ہے کہ ارشد ندیم کو پاکستان اور بنگلادیش کے درمیان ہونے والی ٹیسٹ سیریز کے درمیان بلایا جائے گا ۔
مینجمنٹ نے مزید کہا کہ ارشد ندیم کو بلانے کی تاریخ ایتھلیٹ کی دستیابی کو سامنے رکھتے ہوئے کی جائے گی ۔
یاد رہے ارشد ندیم نے اولمپکس میں 32 سال بعد گولڈ میڈل جیت کر ملک و قوم کا نام روشن کیا ہے ۔