پاکستان اور بنگلہ دیش کی ٹیسٹ سیریز کا دوسرا میچ کراچی سے راولپنڈی منتقل

پاکستان اور بنگلادیش کے درمیان دوسرا ٹیسٹ میچ کراچی سے راولپنڈی منتقل کر دیا گیا ۔
راولپنڈی اسٹیڈیم سے میچ شائقین کو براہ راست دیکھنے کا موقع ملے گا ۔
ٹیسٹ میچ نیشنل بینک اسٹیڈیم کراچی میں چیمپئنز ٹرافی کے لیے
تعمیراتی کام کی وجہ سے پنڈی اسٹیڈیم منتقل کیا گیا ہے ۔
پاکستان کرکٹ بورڈ کا کہنا ہے کہ یہ فیصلہ تعمیراتی ماہرین سے مشاورت کے بعد کیا گیا ہے۔
اب دونوں ٹیسٹ میچز راولپنڈی میں کھیلے جائیں گے ۔پہلا ٹیسٹ 21 اگست کو جبکہ دوسرا ٹیسٹ میچ 30 اگست سے شروع ہو گا۔
کراچی ٹیسٹ تماشائیوں کے بغیر ہونا تھا لیکن اب راولپنڈی میں شائقین دونوں میچز میں براہ راست کرکٹ دیکھ سکیں گے۔
پاکستان شاہینز اور بنگلادیش اے کے درمیان سیریز معمول کے مطابق جاری رہے گی ۔