بنگلا دیش کے سابق کپتان مشرفی مرتضیٰ کو ایک بار پھر مقدمے میں نامزد کر دیا گیا ،
غیر ملکی میڈیا کے مطابق مشرفی مرتضیٰ کے خلاف غیر قانونی وصولیوں اور شیئر کی زبردستی منتقلی کے الزام میں ایف آئی آر درج ہوئی ،
سابق کپتان کے ساتھ 6 دیگر افراد کو بھی ایف آئی آر میں شامل کیا گیا ہے۔ بنگلا دیشی میڈیا کے مطابق مشرفی مرتضیٰ پر بی پی ایل کی ٹیم سلہٹ اسٹرائیکرز کی غیر قانونی وصولیوں اور شیئر کی منتقلی کا الزام ہے۔
بنگلا دیش کے ایک اور سابق کپتان کیخلاف مقدمہ درج
کیس سلہٹ اسٹرائیکرز کے سابق چیئرمین سرور غلام چوہدری نے مقامی پولیس اسٹیشن میں درج کرایا ہے۔
دوسری جانب انسپکٹر انویسٹی گیشن عادل حسین نے مقدمہ درج ہونے کی تصدیق کی ہے۔
بنگلا دیشی میڈیا نے مزید کہا کہ اس کیس میں ابھی کوئی گرفتاری عمل میں نہیں آئی تاہم تفتیش شروع کر دی گئی ہے۔
میڈیا کے مطابق مشرفی مرتضیٰ حالیہ تحریک کے دوران طالب علموں پر حملے کے کیس میں بھی نامزد ہیں۔
شیخ مصطفیٰ المجاہد الرحمٰن نے ناریل صدر پولیس اسٹیشن میں کیس فائل کیا ہے جس میں مشرفی مرتضیٰ کے والد کو بھی حملوں کے الزام میں نامزد کیا گیا ہے۔
مظاہرین نے سابق بنگلا دیشی کپتان مشرفی مرتضیٰ کے گھر کو نذرِ آتش کر دیا
یاد رہے کہ مشرفی مرتضیٰ نے کرکٹ سے ریٹائرمنٹ کے بعد سیاست میں قدم رکھا اور 2018ء میں شیخ حسینہ واجد کی عوامی لیگ میں شمولیت اختیار کی جس کے بعد ضلع ناریل 2 سے رکنِ پارلیمنٹ منتخب ہوئے تھے۔