وزیراعظم شہباز شریف نے قذافی اسٹیڈیم لاہور کا افتتاح کردیا۔
لاہور میں نو تعمیر شدہ قذافی اسٹیڈیم کے افتتاح کی تقریب ہوئی، جس میں وفاقی وزراء، وزیراعلیٰ پنجاب، صوبائی وزراء، چیئرمین پی سی بی محسن نقوی اور قومی ٹیم کے تمام کھلاڑیوں نے شرکت کی ،
تقریب سے خطاب کرتے ہوئے چیئرمین پی سی بی محسن نقوی نے کہا کہ چیمپئنز ٹرافی سے قبل اسٹیڈیم کی تعمیر نو کا ہدف پورا کیا گیا ہے۔
چیئرمین پی سی بی نے کہا کہ 2500 مزدوروں نے سخت محنت سے دن رات کام کیا،قذافی اسٹیڈیم کی تعمیرنومیں پنجاب حکومت نے بھرپور ساتھ اور تعاون کیا ،
اسپیکر قومی اسمبلی سردار ایاز صادق نے کہا کہ محسن نقوی کوچیئرمین پی سی بی بنانے پرتنقید ہوئی مگراب ختم ہوگئی ہے،انہوں نے اپنا انتخاب درست ثابت کردیا۔
انہوں نے کہا کہ ایک دومیچ ہارنے پرکھلاڑیوں پرتنقید نہ کریں ان کی حوصلہ افزائی کریں،ہارجیت کھیل کا حصہ ہے،ٹیم کی جیت کےلیےوظیفہ اوردعا بھی کرتا ہوں ،
قذافی اسٹیڈیم کی افتتاحی تقریب میں بڑی تعداد میں شائقین کرکٹ موجود ہیں۔
اسٹیڈیم میں ایل ای ڈی لائٹس کے نئے ٹاورز، تمام انکلوژرز میں نئی کرسیاں اور دو جدید اسکرینز نصب کی گئی ہیں