پاکستان کرکٹ بورڈ (پی سی بی) کی طرف سے دورۂ نیوزی لینڈ کے لیے ون ڈے اسکواڈ کے 9 کھلاڑی کل سے ایل سی سی گراونڈ میں ٹریننگ سیشن کا آغاز کریں گے،
پاکستان کرکٹ بورڈ کے مطابق 9 کھلاڑیوں میں شامل کپتان محمد رضوان، عبداللّٰہ شفیق، بابر اعظم، فہیم اشرف، امام الحق، وسیم جونئیر، نسیم شاہ، عاکف جاوید اور طیب طاہر شامل ہیں۔پاکستان کرکٹ بورڈ نے مزید بتایا ہے کہ تمام کھلاڑی 21 مارچ تک ایل سی سی گراؤنڈ میں ٹریننگ کریں گے۔
پاکستان کرکٹ بورڈ کے مطابق قومی کرکٹ ٹیم کا ون ڈے اسکواڈ 23 مارچ کی صبح براستہ دبئی نیوزی لینڈ روانہ ہو گا۔
پاکستان اور نیوزی لینڈ کے درمیان 3 ون ڈے میچز کی سیریز 29 مارچ سے 5 اپریل تک کھیلی جائے گی۔
