کرکٹر سدرہ امین اور عالیہ ریاض کی نصف سنچریاں ، نشرہ سندھو، ڈیانا بیگ اور سعدیہ اقبال نے شاندار بولنگ کی ۔
کرکٹر عالیہ ریاض اور سدرہ امین کی نصف سنچریاں۔
قذافی اسٹیڈیم لاہور میں بدھ کے روز کھیلے گئے میچ میں آئرلینڈ نے ٹاس جیت کر پاکستان کو بیٹنگ دی جو 49 اوورز میں217 رنز بناکر آؤٹ ہوگئی۔
آئرلینڈ کی ٹیم جواب میں 44 اوورز میں 179 رنز بناکر آؤٹ ہوگئی۔
پاکستان کی اننگز میں عالیہ ریاض نے چار چوکوں اور ایک چھکے کی مدد سے 52 رنز بنائے۔
سدرہ امین نے51 رنز کی اننگز کھیلی جس میں تین چوکے شامل تھے۔منیبہ علی نے 32 رنز اسکور کئے۔
منیبہ علی اور سدرہ امین نے دوسری وکٹ کی شراکت میں 77 رنز کا اضافہ کیا۔ سدرہ امین اور عالیہ ریاض کے درمیان تیسری وکٹ کی شراکت میں 72 رنز بنے۔
آئرلینڈ کی طرف سے جین میگائر نے 33 رنز دے کر3 وکٹیں حاصل کیں۔آرلین کیلی اور کارا مرے نے دو دو وکٹیں حاصل کیں۔
آئرلینڈ کی اننگز میں کپتان گیبی لوئس اور ایمی ہنٹر نے 44 ۔ 44 رنز اسکور کیے۔ ان دونوں کو نشرہ سندھو نے آؤٹ کیا۔انہوں نے اپنی تیسری وکٹ لورا ڈیلینی کو آؤٹ کرکے حاصل کی۔
ڈیانا بیگ نے35 رنز دے کر4 کھلاڑیوں کو آؤٹ کیا۔انہوں نے ون ڈے انٹرنیشنل میں اپنی وکٹوں کی نصف سنچری بھی مکمل کرلی۔
پاکستان ویمنز ٹیم اپنا دوسرا میچ جمعہ کو اسکاٹ لینڈ کے خلاف کھیلے گی
