پاکستان کرکٹ ٹیم کے کھلاڑیوں نے امریکہ کی ریاست فلوریڈا کے شہر لاڈر ہل میں عید منائی۔
قومی کرکٹرز نے عید کی نماز ہوٹل میں ہی ادا کی اور امامت وکٹ کیپر محمد رضوان نے کرائی۔ نماز عید کے بعد کھلاڑیوں نے ایک دوسرے کو گلے لگا کر عید کی مبارکباد دی
قومی کرکٹرز آج رات وطن واپسی کا سفر شروع کریں گے اور بابر اعظم سمیت 6 کھلاڑی چند روز امریکا میں ہی قیام کریں گے۔
خیال رہے کہ پاکستان کرکٹ ٹیم ناقص کارکردگی کے باعث آئی سی سی ٹی ٹوئنٹی ورلڈکپ سے باہر ہوچکی ہے اور پاکستان کے گروپ سے بھارت اور امریکا نے سپر 8 مرحلے کیلئے کوالیفائی کر لیا ہے
