ٹیم انڈیا کا استقبال جاری

آئی سی سی ٹی ٹونٹی ورلڈ کپ کی فاتح بھارتی کرکٹ ٹیم کے استقبال کا سلسلہ جاری ہے ۔ پہلے دہلی ائیرپورٹ پر استقبال ہوا ۔ پھر وزیر اعظم ہاوس میں تقریب سجائی گئی اور پھر ٹیم جب ممبئی پہنچی تو شاندار استقبال کیا گیا ۔ میرین ڈرائیو پر وکٹری پریڈ ہوئی اور وینکھڈے اسٹیڈیم ممبئی میں انہیں بورڈ کی جانب سے اعلان کر دہ انعامی رقم دی گئی اور پھر اس کے بعد چیمپئین کھلاڑیوں کی اپنے گھروں کو روانگی ہوئی ۔ کرکٹرز جب گھروں میں پہنچے تو وہاں بھی ان کا پر تپاک استقبال کیا گیا ہے اور یہ سلسلہ اب تک جاری ہے