چیمپئنز ٹرافی 2025 میں کل افغانستان اور انگلینڈ کی ٹیمیں مدمقابل ہوں گی۔
کل ہونے والا میچ لاہور کے قذافی اسٹیڈیم میں کھیلا جائے گا ۔
افغانستان کرکٹ ٹیم کے کپتان حشمت اللہ نے لاہور میں پریس کانفرنس کرتے ہوئے کہا ہے کہ کل ایک نیا دن ہے،ہم انگلینڈ کو ہرانے کی پوری کوشش کریں گے۔
افغانستان کے کپتان نے مزید کہا کہ ہم نے 2023 میں بھی انگلینڈ کو ہرایا تھا ،ہم نے اسی اعتماد سے کھیلنا ہے ۔
حشمت اللہ نے مزید کہا کہ انگلینڈ کی ٹیم اچھی اور مضبوط ہے،ہمارا یہی گول ہے کہ اچھا کھیل پیش کیا جائے،اگر ہم 100 فی صد بہترین کرکٹ کو مدنظر رکھیں تو یقیناً ہم بھی سیمی فائنل تک پہنچ سکتے ہیں ۔
افغان کپتان نے کہا کہ جب لیجنڈز ہمارے کھیل کی تعریف کرتے ہیں تو زیادہ خوشی محسوس کرتے ہیں
انگلینڈ کو ہرانے کی پوری کوشش کریں گے ،کپتان افغان کرکٹ ٹیم
