پاکستان کرکٹ ٹیم کے سابق کپتان اور ہیڈ کوچ مصباح الحق چیمپینز ون ڈے کپ میں وولوز ٹیم کے مینٹور مقرر کیے گئے ہیں۔
ٹورنامنٹ 12سے 29 ستمبر تک اقبال اسٹیڈیم فیصل آباد میں کھیلا جائے گا۔
مصباح الحق کی وولوز ٹیم کو ایونٹ کی تیاری کے لیے فیصل آباد کرکٹ اکیڈمی دی گئی ہے،جبکہ شعیب ملک کی اسٹالینز ٹیم اپنی ٹریننگ سیالکوٹ کرکٹ اکیڈمی میں کرے گی۔
مصباح الحق نے وولوز ٹیم کا مینٹور بنائے جانے پر خوشی اظہار کیا ہے اور اس امید کا اظہار کیا ہے کہ وہ اس نئے رول میں اپنا کردار بھرپور انداز میں ادا کرنے کی کوشش کریں گے۔
مصباح الحق کا کہنا ہے کہ وہ وولوز کے ساتھ دوبارہ متحد ہونے پر بہت پرجوش ہیں ،ساتھ ہی اس نئے رول میں اپنا کردار بھرپور انداز میں ادا کرنے کے خواہشمند بھی ہیں ۔
سابق کرکٹر نے مزید کہا کہ چیمپئنز ون ڈے کپ ایک شاندار ایونٹ ہے جہاں ملک کے بہترین کھلاڑی حصہ لیں گے ،مجھے امید ہے کہ ٹورنامنٹ اگلی نسل کے ٹیلنٹ کو دریافت کرنے میں اہم کردار ادا کرے گا ۔
مصباح الحق پریس کانفرنس کرتے ہوئے
