پاکستان کرکٹ ٹیم کے ٹاپ آرڈر بیٹر فخر زمان نے چیمپئنز ٹرافی پر امیدیں وابستہ کر لی،
میڈیا سے گفتگو کرتے ہوئے فخر زمان نے کہا کہ بہت سے لوگ اس بات سے واقف نہیں کہ ٹی ٹوئنٹی ورلڈ کپ کے بعد میں کافی بیمار رہا ہوں، خراب صحت کی وجہ سے مکمل فٹ نہیں تھا اس لیے قومی ٹیم کا حصہ نہیں رہ پایا،
فخر زمان نے مزید کہا کہ اب میں مکمل فٹ ہو چکا ہوں اور پاکستان کے اگلے انٹرنیشنل ایونٹ میں ایکشن میں ہوں گا، آسٹریلیا اور جنوبی افریقا کے دورے اس لیے نہیں کیے کیونکہ خود کو چیمپئنز ٹرافی کے لیے مکمل فٹ کرنا
ضروری تھ
فخر زمان کا مزید کہنا ہے کہ چیمپئنز ٹرافی کی تیاری ہمیشہ میرے ذہن میں تھی، اس ٹورنامنٹ سے ہی میرے کیریئر کا زبردست آغاز ہوا تھا اور اگلے ایونٹ کے لیے میں پُرجوش ہوں۔
صائم ایوب کے حوالے سے بات کرتے ہوئے انہوں نے کہا کہ اُمید اور دعا ہے کہ صائم ایوب جلد صحت یاب ہوجائیں، وہ بہت زبردست کرکٹر ہیں، اگر صائم چار پانچ سال کھیلتا رہا تو دنیا میں ٹاپ پلیئر ہو جائے گا ،
فخر زمان کا مزید کہنا ہے کہ صائم ، بابر اور رضوان کی موجودگی میں خود کو خوش قسمت سمجھتا ہوں کہ ٹیم میں موجود ہوں ،
فخر زمان نے یہ بھی کہا کہ میری ترجیح ہمیشہ اوپن کرنا ہوتی ہے مگر ٹیم کی ضرورت کے مطابق پوزیشن بدل سکتی ہے، میرے لیے ہمیشہ ٹیم اہم ہے جہاں ٹیم کو ضرورت ہے وہاں بیٹنگ کروں گا
