انگلینڈ ٹیم کے کپتان جوز بٹلر نے کہا ہے کہ ہم پہلے میچ کے لیے بالکل تیار اور پرجوش ہیں۔
قذافی اسٹیڈیم میں میڈیا سے بات کرتے ہوئے انگلش کپتان نے کہا کہ یہاں ہمیں اچھی ٹریننگ کا موقع ملا، لاہور سے پہلے ابوظبی میں بھی ٹریننگ سیشن کیے۔
جوز بٹلر نے کہا کہ جیمی اسمتھ ٹیلنٹڈ پلیئر ہیں، وہ ذمے داری کے لیے تیار ہیں، کپتان نے کہا کہ وہ اپنی فارم سے مطمئن اور چیمپئینز ٹرافی کے لیے منتظر ہیں، یہاں کنڈیشنز مختلف ہوں گی۔
انگلینڈ ٹیم کے کپتان نے بتایا کہ پی ایس ایل میں کئی کھلاڑی یہاں کھیل چکے ہیں، انہوں نے اپنے تجربے سے آگاہ کیا ہے، آسٹریلیا پرانا ملک ہے، ایک اچھا میچ ہو گا،
ان کا کہنا ہے کہ آسٹریلیا اپنے 3 فاسٹ بولرز کو مس کرے گا لیکن وہ اٹیکنگ کرکٹ کھیلتے ہیں۔
انہوں نے یہ بھی کہا کہ پاکستان آ کر بہت پُرجوش ہیں، یہ ایک اچھی پچ لگ رہی ہے، ٹرائی سیریز میں
یہاں اچھے رنز ہوئے تھے، پچ کو سامنے رکھ کر ہم نے اچھی پلاننگ کی ہے
