سلمان علی آغا 17 رکنی اسکواڈ کے کپتان ، فخر زمان، شاہین شاہ، حارث رؤف، صائم ایوب، خوشدل شاہ اور حسین طلعت اسکواڈ کا حصہ ہیں۔
محمد نواز، محمد وسیم جونیئر، محمد حارث، ابرار احمد، فہیم اشرف، حسن علی، حسن نواز، صاحبزادہ فرحان، سلمان مرزا اور سفیان مقیم بھی ٹیم میں شامل ہیں۔
پاکستان، افغانستان اور متحدہ عرب امارات (یو اے ای) کی ٹرائی سیریز 29 اگست سے 7 ستمبر تک شارجہ میں منعقد ہو گی ،اور دوسری طرف ایشیاء کپ 9 سے 28 ستمبر تک ابو ظبی اور دبئی میں کھیلا جائے گا ،
قومی ٹیم کے ہیڈ کوچ مائیک ہیسن کا پریس کانفرنس کے دوران کہنا تھا کہ شارجہ میں کنڈیشنز چیلنجنگ ہوتی ہیں، شارجہ میں افغانستان کو ہلکا نہیں لے سکتے ان کے خلاف کھیلنا ایک چیلنج ہوتا ہے ،
مائیک ہیسن نے مزید کہا کہ ہم اس کے لیے اچھی تیاری کریں گے، ٹرائی سیریز سے ہمیں ایشیاء کپ کی تیاری کا موقع ملے گا۔
مائیک ہیسن نے مزید کہا کہ کسی کھلاڑی کی فارم کو 3 میچز کی فارم پر جانچنا ایک سخت فیصلہ ہے، بابر اعظم نے پہلا میچ اچھا کھیلا، انہیں کچھ ایریاز میں بہتر کرنے کا کہا گیا ہے، صاحبزادہ فرحان 6 میچز میں سے 3 میں مین آف دی میچ رہے ہیں۔
ڈائریکٹر ہائی پرفارمنس عاقب جاوید کا کہنا ہے کہ بابر اعظم اور محمد رضوان اس سے پہلے 3 سیریز میں نہیں تھے، صائم فخر اور صاحبزادہ فرحان ہی ٹاپ آرڈر میں تھے، کسی کھلاڑی کو دو تین میچز کی بنیاد پر زیر غور نہ لانے والی بات درست نہیں، ہم یہ نہیں کہہ سکتے کہ اب ہم بابر اور رضوان کو زیر غور کبھی نہیں لائیں گے۔
عاقب جاوید نے کہا کہ موجودہ کھلاڑیوں کو موقع دیا ہے، ان کے پاس مواقع ہیں، ابھی سینئرز کے پاس بگ بیش کا موقع ہے جو اچھا پرفارم کریں گے وہی ٹیم میں آئیں گے۔
عاقب جاوید نے کہا کہ بابر اعظم اور محمد رضوان دیگر کی طرح کھیلیں گے تو ضرور ٹی ٹوئنٹی کھیلیں گے، ان کے ساتھ کسی کو کوئی مسئلہ نہیں ہے لیکن اس وقت ہمارے پاس کافی اچھے آپشنز موجود ہے،
