بھارتی میڈیا کے مطابق پاکستان سے کشیدگی کے بعد بھارت کی جانب سے ایشیا کپ نہ کھیلنے کا فیصلہ کرلیا گیا ہے ،
(بی سی سی آئی) نے مینز ایشیا کپ اور ویمنز ایمرجنگ ایشیا کپ سے دستبرداری کا فیصلہ کیا ہے۔
بھارتی میڈیا کے مطابق مینز ایشیا کپ رواں سال ستمبر میں کھیلا جانا ہے جبکہ ویمنز ایمرجنگ ایشیا کپ جون کے مہینے میں سری لنکا میں شیڈول ہے۔
ایشیاء کپ 2025 بھارت کے بجائے دبئی میں کروانے کی تجویز زیر غور ہے ،
( بی سی سی آئی )کے اہلکار کا کہنا ہے کہ ایشین کرکٹ کونسل کے صدر چیئرمین( پی سی بی) محسن نقوی ہیں، بھارتی ٹیم ایک ایسے ٹورنامنٹ میں نہیں کھیل سکتی جس کے سربراہ پاکستان کے وزیر بھی ہوں۔
(بی سی سی آئی )کے اہلکار کے مطابق ابھی ویمنز ایمرجنگ ایشیا کپ سے دستبرداری کا زبانی طور پر ایشین کرکٹ کونسل کو آگاہ کر دیا ہے،( اے سی سی )کے باقی شیڈول ایونٹس کو بھی ہولڈ کر دیا ہے، ہم اس حوالے سے حکومت کے ساتھ مسلسل رابطے میں ہیں۔
ذرائع کا یہ بھی کہنا ہے کہ ( بی سی سی آئی )نے ایشین کرکٹ کونسل کو اپنی دستبرداری سے آگاہ نہیں کیا، بھارت کی ایشیا کپ سے دستبرداری کی تیاری کے حوالے سے اطلاعات بھی موصول ہوئی ہیں
